ബെംഗളൂരു: 17 വർഷത്തെ ഇടവേളയ്ക്ക് ശേഷം രാഷ്ട്രകവി കുവെമ്പു രചിച്ച ‘ജയ ഭാരത ജനനിയ തനുജാതേ’ എന്ന സംസ്ഥാന ഗാനത്തിന്റെ ദൈർഘ്യം കർണാടക സർക്കാർ അന്തിമമാക്കി. അന്തരിച്ച മൈസൂരു അനന്തസ്വാമിയുടെ പതിപ്പ് 2.30 മിനിറ്റിനുള്ളിൽ പാടാൻ സർക്കാർ അനുമതി നൽകിയതായി കന്നഡ സാംസ്കാരിക മന്ത്രി സുനിൽ കുമാർ പറഞ്ഞു. ഇക്കാര്യം പരിശോധിക്കാൻ കഴിഞ്ഞ സെപ്തംബറിൽ സംസ്ഥാന സർക്കാർ രൂപീകരിച്ച എച്ച്ആർ ലീലാവതി കമ്മിറ്റിയും ദേശീയഗാനത്തിലെ എല്ലാ വരികളും ആവർത്തനമില്ലാതെ ആലപിക്കണമെന്നും തുടക്കത്തിൽ ഹമ്മിംഗ് ചെയ്യണമെന്നും നിർദേശിച്ചിട്ടുണ്ടെന്നും മന്ത്രി പറഞ്ഞു. സമിതി മന്ത്രി സുനിൽകുമാറിന് സമർപ്പിച്ച റിപ്പോർട്ട് വെള്ളിയാഴ്ച മുഖ്യമന്ത്രി ബസവരാജ് ബൊമ്മൈ അംഗീകരിച്ചു.
2004-ൽ നാദഗീഥേ സംസ്ഥാന ഗാനമായി ഔദ്യോഗികമായി പ്രഖ്യാപിക്കപ്പെട്ടിരുന്നു. എന്നിരുന്നാലും, വ്യത്യസ്ത ശൈലികളിലും ഈണങ്ങളിലും ഇത് ആലപിസിച്ചിരുന്നത്., ഇത് ചിലപ്പോൾ ദൈർഘ്യം വർദ്ധിപ്പിക്കുകയും. ചിലർ സംഗീതസംവിധായകൻ അനന്തസ്വാമിയുടെ പതിപ്പ് പാടിയപ്പോൾ, മറ്റുള്ളവർ അന്തരിച്ച സംഗീതജ്ഞൻ സി അശ്വതിന്റെ രചനയെ പിന്തുടർന്നു. കൂടാതെ 1.30 മിനിറ്റ് മുതൽ 8 മിനിറ്റ് വരെയാണ് ആലാപന ദൈർഘ്യം. ഇത് ചുരുക്കണമെന്നും ആലാപന ശൈലിയിൽ ഏകീകൃതത കൊണ്ടുവരണമെന്നും വിവിധ കോണുകളിൽ നിന്ന് ആവശ്യമുയർന്നിരുന്നു.
മാറിമാറി വരുന്ന സർക്കാരുകൾ ഈ വിഷയത്തിൽ ദീർഘനാളായി ചർച്ച നടത്തിയെങ്കിലും അന്തിമ തീരുമാനമെടുത്തില്ല. 2004 മുതൽ കുറഞ്ഞത് അഞ്ച് സർക്കാരുകളെങ്കിലും വന്നു പോയി. കഴിഞ്ഞ വർഷം സെപ്റ്റംബറിൽ ബൊമ്മൈ സർക്കാർ ദൊഡ്ഡരംഗഗൗഡയെപ്പോലുള്ള സാഹിത്യകാരന്മാരെ ഉൾപ്പെടുത്തി എച്ച്ആർ ലീലാവതി കമ്മിറ്റി രൂപീകരിച്ചു. ഈ സമിതിയുടെ റിപ്പോർട്ടാണ് വെള്ളിയാഴ്ച അംഗീകരിച്ചിട്ടുള്ളത്.
കമ്മിറ്റികളും ശുപാർശകളും
2006: എഴുത്തുകാരൻ വസന്ത് കനകപുരെ കമ്മിറ്റി രൂപീകരിച്ചു, പക്ഷേ അദ്ദേഹം അന്തരിച്ചു,
2014: ദൈർഘ്യം 1.5 മിനിറ്റായി നിജപ്പെടുത്താൻ ചന്നവീര കനവി കമ്മിറ്റി ശുപാർശ ചെയ്തു
2019: മനു ബാലിഗാറിന്റെ നേതൃത്വത്തിലുള്ള കന്നഡ സാഹിത്യ പരിഷത്ത് (കെഎസ്പി) കമ്മിറ്റി, ദൈർഘ്യം 30 മിനിറ്റ്ആ ക്കണമെന്ന് ശുപാർശ ചെയ്തു. എന്നാൽ 2022ൽ ഇത് നടപ്പാക്കിയില്ല
2022: എച്ച്ആർ ലീലാവതി കമ്മിറ്റിയും 2.30 മിനിറ്റ് നിർദേശിച്ചത് അംഗീകരിച്ചു.
